ლეონარდ ეილერის სახელობის ოლიმპიადის დისტანციური ეტაპის, IV ტრადიციული ტურის მონაწილეთა წესები.

1. ამ ტურში გეძლევათ ამოცანები, რომლებიც მიცემული იყო გ. კუკინის სახელობის ოლიმპიდაზე ომსკში, ამიტომაც ომსკისა და სხვა ოლქებიდან კუკინის სახელობის ოლიმპიადაში მონაწილე მოსწავლეებს არ შეუძლიათ ამ ოლიმპიადაში მონაწილეობის მიღება.

კუკინის სახელობის ოლიმპიადის მონაწილე მოსწავლეებს (მე- 8 კლასის ჩათვლით) შედეგის მაჩვენებლები ჩაეთვლებათ, როგორც IV ტრადიციული ტურის შედეგები.

2. ნაშრომები სრულდება დამოუკიდებლად სხვისი ჩარევის გარეშე, რაც არ ეხება ისეთ დახმარებას, როგორიცაა: ნაშრომის სკანირება, გადამუშავება და მიღებული ფაილების გადაგზავნა.

ნაშრომში რამდენიმე მოსწავლის აშკარა თანამშრომლობა გამოიწვევს მათ დისკვალიფიკაციას ოლიმპიადის ბოლომდე.

3. შემდეგი წესები ეხება მხოლოდ მათ, ვინც დამოუკიდებლად აგზავნის შესამოწმებლად თავის ნაშრომს. თუ თქვენ აბარებთ ნაშრომს ოლიმპიადის საკოორდინაციო საბჭოს ნდობით აღჭურვილ პირს, მაშინ ნაშრომის გაგზავნის უზრუნველყოფა მისი საქმეა და არა თქვენი. რასაკვირველია ნდობით აღჭურვილი პირი უნდა გაეცნოს წესებს.

4. მეორე ტურის ნაშრომი საჭიროა გაიგზავნოს მიმაგრებული ფაილის სახით არაუგვიანეს 2008 წლის 21 დეკემბრის 15.00 საათისა (მოსკოვის დროით) შემდეგ მისამართზე: tur4@matol.ru. გაგზავნის დროდ ითვლება ის მომენტი, როდესაც წერილი აღმოჩნდება პირველივე, გამგზავნისაგან დამოუკიდებელ საფოსტო სერვერზე.

15.00 საათი მოსკოვის დროით არის 16.00 საათი თბილისის დროით.

5. ნამუშევარმიმაგრებული წერილის ველში „თემა“ ("Тема") უნდა ჩაწეროთ თქვენი სარეგისტრაციო ნომერი. იქ სხვა ჩანაწერი არ უნდა იყოს.

6. ამოხსნები შესაძლებელია წარმოდგენილ იქნას

ა) Windows-ის Word-ის დოკუმენტის სახით (.doc ფორმატით);

ბ) ტექსტური დოკუმენტის სახით (.txt ფორმატით);

გ) ფურცელზე დაწერილი ტექსტის ფოტო ან სკანირებული ვერსია (.jpg და .pdf ფორმატით).

სხვა ფორმატის ფაილებით გამოგზავნილი ნაშრომები (მაგალითად,.bmp, .tif და ა.შ.) არ განიხილება.

არ განიხილება ის ნაშრომები, რომლებიც გამოგზავნილია 2-4 პუნქტების დარღვევით. კერძოდ:

ა) პ.1-ში მითითებული დროის შემდეგ გაგზავნილი ნაშრომები;

ბ) თუ ველი „თემა“ არასწორადაა შევსებული;

გ) თუ ნაშრომი მოთავსებულია თვითონ წერილის ველში და არა გაგზავნილი მიმაგრებული ფაილის სახით;

დ) ნაშრომი გაგზავნილია არასწორი ფორმატის ფაილით.

იყავით ყურადღებით! მეორე და მესამე ტურში არც ერთი დარღვევებით გამოგზავნილი ნაშრომი არ შემოწმდა.

7. გამოგზავნილი ფოტოგრაფიები (სკანები) ადვილად უნდა იკითხებოდეს, ანასთან უნდა ჰქონდეთ რაც შეიძლება ნაკლები კილობაიტი მოცულობა. ამის მიღწევა შესაძლებელია, თუ სკანირების დროს ფერადი რეჟიმის ნაცვლად მისცემთ შავ-თეთრ რეჟიმს, შეამცირებთ შესაძლებლობის ფარგლებში გარჩევადობას და ნაშრომს ჩაწერთ რაც შეიძლება ნაკლები რაოდენობის ფურცელზე.

8. ნაშრომის პირველი გვერდის დასაწყისში საჭიროა მიუთითოთ: მოსწავლის გვარი და სახელი, მისი სარეგისტრაციო ნომერი (თუ თქვენ ჯერ კიდევ არ დარეგისტრირებულხართ, ეს შესაძლებელია გააკეთოთ შემდეგ მისამართზე: http://ts.fulc.ru/reg.py), ქალაქი (სოფელი), სკოლა, კლასი. ამის შემდეგ აფორმებთ ამოხსნებს. ამოცანების პირობების გადაწერა არაა საჭირო.

ლეონარდ ეილერის სახელობის ოლიმპიადის დისტანციური ეტაპის მეოთხე ტურის ამოცანები.

1. მართკუთხედის სიგრძე შეამცირეს 10%-ით , სიგანე კი 20%-ით, ამასთან მართკუთხედის პერიმეტრი შემცირდა 12%-ით. რამდენი პროცენტით შემცირდება მართკუთზედის პერიმეტრი, თუ მის სიგრძეს შევამცირებთ 20%-ით, სიგანეს კი 10%-ით?

2. 3X3-ზე კვადრატის თითოეულ უჯრაში ჩაერილია ნატურალური რიცხვი, ამასთან ყველა რიცხვი წყვილ-წყვილად განსხვავებულია და განსხვავდება 1- სგან. ცნობილია, რომ თითოეულ უჯრაში ჩაწერილი რიცხვი არის მის ყველა მეზობელ, მასთან საერთო გვერდის მქონე უჯრაში მყოფი რიცხვების ნამრავლის გამყოფი. იპოვეთ ამ რიცხვთა შორის მარტივ რიცხვთა შესაძლო უდიდესი მნიშვნელობა.

3. შეიძლება თუ არა მანძილი სიბრტყის რომელიმე წერტილიდან რომელიმე კვადრატის წვეროებამდე იყოს 1, 1, 2 და 3- ის ტოლი.

4. ყავახანაში აღმოჩნდა 55 ინდოელი და თურქი. თითოეული მათგანი სვამდა ან ჩაის ან ყავას. ცნობილია, რომ როცა ინდოელი სვამს ჩაის, ამბობს სიმართლეს, და იტყუება, როდესაც სვამს ყავას, ხოლო თურქი პირიქით. კითხვაზე “თქვენ სვამთ ყავას?” “დიახ” უპასუხა 44 ადამიანმა, შეკითხვაზე “თქვენ თურქი ხართ?“- 33-მა. ხოლო წინადადებას “ქუჩაში წვიმს” დაეთანხმა 22 ადამიანი. რამდენი ინდიელი სვამს ყავახანაში ჩაის.

5. სამკუთხედის თითოეული გვერდი დაყოფილია 2008 ტოლ ნაწილად. თითოეულ წერტილზე გავლებულია სხვა ორი გვერდის პარალელური წრფეები, რის შედეგადაც სამკუთხედი დაიყო თანაბარ „სამკუთხა ველებად“. ორ მეზობელ პარალელურ წრფეს შორის მოქცეულ „სამკუთხა ველებს“, ან ერთადერთ „ველს“ რომელიც დგას სამკუთხედის წვეროსთან, დავარქვათ „სტრიქონი“. პეტო და ვასო რიგრიგობით წერენ ერთ-ერთ თავისუფალ ველში 1 ან -1. მას შემდეგ, რაც დაკავებული აღმოჩნდება ყველა უჯრა, თითოეულ „სტრიქონში“ ჩაწერილ რიცხვებებს ამრავლებენ ერთმანეთზე. იმარჯვებს პეტო, თუ მიღებულ ნამრავლებს შორის უარყოფითი რიცხვების ლუწი რაოდენობაა, წინააგღმდეგ შემთხვევაში იმარჯვებს ვასო. ვინ გაიმარჯვებს სწორად თამაშის დროს, თუ პირველ სვლას აკეთებს პეტო?

არ დაგავიწყდეთ პასუხების დასაბუთება !!!!!!!